As jy nou nog nie gehoor het van hierdie jong talentvolle kunstenaar nie is jy sekerlik nog in die donker, maar dit mag dalk net wees waar jy haar gaan vind. Ché vat ‘n Skoot in die donker, of ten minste volgens haar nuutste enkelsnit met dieselfde titel. Maar in die donker is waar baie opwindinde gebeure kan plaasvind en klaarblyklik waar jy die siekste beats ook kry.

Hierdie keer span sy saam met die rap sensasie Early B terwyl Ché beloof om dit te bring met hierdie baie moderne Afrikaanse song en ‘n drop wat die ligte sal uitskiet. “Skoot in die Donker” is daar vir almal om op hulle eie manier te interpreteer en sal sekerlik sorg vir talle trendy sosiale media videos terwyl jy nie jouself sal kan keer om ‘n “stank face” te trek en jou lyf te beweeg as die beat drop nie.

So, as jy jou partytjie of gemoed wil lig, maak seker jy voeg hierdie nommertjie by jou gunsteling speellys.