Soos meeste van ons weet is dit ‘n bitter-soet gevoel wanneer jy tydens jou Desember vakansie onverwags verlief raak – net om dan uit te vind die persoon bly honderde kilometers van jou af. Dirk van der Westhuizen ken daardie gevoel te goed. Daarom het hy en Emil Paul besluit om ‘n somer-treffer daaroor te skryf sodat jy nie alleen hoef te voel nie.

“Kommie Kommie, kom bietjie nader” is die magtelose roep na jou vakansie-liefde met die hoop dat hy/sy nader sal trek en julle jul “steamy” romanse verder kan vat.

Luister vanaf 14 Februarie na Dirk se Super-Catchy-Somer-Song “Kommie Kommie” en herleef weer daai romantiese memories terwyl jy die dansvloer vol dans!